Taǵdyryn qazaq teatryna arnaǵan orys qyzy

Orys qyzynyń taǵdyryn qazaq teatr­men baılanystyrǵan bir-aq nárse eken. Ol - tiginshilik óner. Qazaqtyń nebir marqasqalarymen birge qyzmet istep, dámdes bolǵan Lıýbovtiń tigin tsehy­nyń meńgerýshisi bolǵanyna 30 jyldan asyp­ty. Osy qyzmetke 19 jasynda kelgen ol

osy ýaqytta qazaq óneriniń qadirin bi­lip, nebir ataqty akterlerge sahnalyq kıimder tigipti. Olardyń qaısybiri ma­tasymen ǵana emes, tigý ereksheligimen, ádiptelýimen, órnek salýymen, keıipker­ge laıyqtylyǵymen erekshelenedi já­ne soǵan saı baǵasy da qoıylǵan. Tipti ony 1000000 teńgege baǵalaýǵa, aýktsıonda odan da qymbatqa saýdalaýǵa bolady.

Eger Lıýbov Vıtalevna jeke kásip­kerlikpen aınalysyp, tigin tsehyn ashar bolsa, áldeqashan qazaqstandyq qaltaly azamattardyń qataryn tolyqtyrady já­ne eń tanymal kıimderimen jurttyń ystyq yqylasyna bólener edi. Biraq ol kisi alpystyń asqaryna bet alsa da, teatr­dan ketkisi joq. Teatr - súıikti orny, ár spektakldegi kıimderdi jatqa aıtatyn

ol qazaq ónerin tereń meńgergenin maqta­nysh etedi, - dep jazady «Aıqyn» basylymy.