Taǵattylyq taqyryby boıynsha karıkatýrashylarǵa báıge jarııalandy
ALMATY. 18 qyrkúıek. QazAqparat - Qazaqstan Gete-ınstıtýty men Soros-Qazaqstan qory taǵattylyq (toleranttylyq) taqyrybyna arnalǵan karıkatýra báıgesin jarııalady.
Oǵan 18-29 jas aralyǵyndaǵy Qazaqstan Respýblıkasynyń azamaty bolyp tabylatyn kásibı jáne áýesqoı sýretshiler qatysa alady. Úmitkerler óz ótinishi men báıgege arnalǵan jumystaryn 14 qarashaǵa deıin compcaricatures@gmail.com elektrondy mekenjaıyna jiberýine bolady. Jumystar JPG túrinde qabyldanady jáne olardyń birikken kólemi 3 Mb-tan aspaýy qajet. Bir úmitker bes sýretke deıin jibere alady. Júlde qory 5 myń AQSh dollaryn quraıtyn bul báıgede karıkatýralardyń áleýmettik mańyzdylyǵy, sonylyǵy jáne jańashyldyǵy baǵalanady. Eki kezeńnen turatyn birinshi satysynda keıin jartylaı fınalǵa ótken qatysýshylar úshin Germanııadan kelgen jáne qazaqstandyq karıkatýrıst-sýretshilermen sheberlik synyby uıymdastyrylady. Al báıge jeńimpazdary ekinshi satyda anyqtalady. Sonymen qatar báıgege usynylǵan jumystardyń kórmesi ótkizilip, pikirsaıys uıymdastyrylady.
Qazirgi zamanǵy kóp qyrly ári ózara táýeldi álemdik qaýymdastyq bizden ózara qarym-qatynas úshin jańa taǵattylyq joldaryn izdeý qajettiligin talap etýde. Atalmysh máselede karıkatýra eń ońdy kórkem qural bolyp tabylady. Óıtkeni ol naqty bolmystyń ásirelengen beınesine ózinshe baǵa bere alady. Jalpy kórermen qaýym karıkatýra arqyly berilgen kúrdeli suraqtardy jeńilirek qabyldaıdy.
