Taganrogte qyzdyń basyn shapqan gılotına-qońyraýly saǵat týraly aqparat tarady
ASTANA. 15 tamyz. QazAqparat - Búgin Taganrog qalasynyń aqparat quraldary belgisiz ónertapqysh gılotına-qońyraýly saǵat oılap taýyp, týyndysyn jarnamalaǵysy kelip, boıjetkenniń qatysýymen fotosessııa jasaý kezinde saǵat-gılotına qyzdyń basyn shaýyp túsirgeni týraly shýly aqparat taratty.
Bul týraly Eýrazııa birinshi arnasy habarlaıdy.
vesti.ru habarlaǵandaı, ónertapqysh qońyraýly saǵatyn «eń qaýipti qońyraýly saǵat» saıysyna alyp shyqpaq bolǵan. Ádemi sýret jasaý úshin ol jarnamaǵa óziniń tanysyn - Taganrog qalasynyń turǵynyn jalańash kúıinde túsirip alǵysy keledi. Gılotına túrindegi qońyraýly saǵatty ol qyzdyń basynyń ústine jaqsylap bekitip qoıady, biraq gılotına úzilip ketip, qyzdyń basyn shaýyp túsedi. Bassyz qalǵan boıjetkenniń denesin onyń týystary taýyp, polıtsııaǵa habar beredi. Ónertapqysh qashyp ketkisi kelgen, biraq polıtsııa ony ustap alady. Atalǵan oqıǵaǵa baılanysty «Abaısyzda kisi óltirý» baby boıynsha qylmystyq is qozǵaldy.
Osy oqıǵadan keıin «bul bireýdiń oılap tapqan ázili» degen aqparat taraǵan. Rostov oblysy ІІD-degiler Taganrogte mundaı oqıǵa tirkelmegenin, aqparattyń shyndyqqa janaspaıtynyn málimdegen.
