Taganrog turǵyny qoldan tanki jasap, 130 myń rýblge satpaq bolǵan
ASTANA. QazAqparat - Jarnamalar ornalastyrýǵa mamandandyrylǵan Avito onlaın-portalynda Taganrog turǵyny qoldan jasalǵan tanki satatyny týraly habarlama ornalastyrǵan.
T-34 kóshirmesin taganrogtyq sheber 9 mamyrda dostarymen birge jasap shyǵarǵan. Olar «VAZ-2106» mashınasyna metall ramany dánekerlep, dińgekpen munara jasaǵan. Keńestik soǵys mashınasyna tolyqtaı uqsaýy úshin tankini jasyl túske boıap, oǵan qyzyl juldyz ornatqan.
Olardyń jumysy UOS Jeńisiniń 70-jyldyǵyna arnalǵan jyl saıynǵy qoldan jasalǵan áskerı tehnıkalar baıqaýynda júlde alyp, T-34 tankin jasaǵan sheber sol kezde pansıonatqa 3 kúnge joldama alǵan bolatyn, endi ony satyp paıdaǵa kenelmek.
Óz týyndysyn ol 130 myń rýblge baǵalaǵan.
