Taǵamǵa qosqan: 31 jastaǵy ShQO turǵynynan 4 keliden astam marıhýana tárkilendi
ÓSKEMEN. KAZINFORM – Shemonaıha aýdanynda polıtsııa 31 jastaǵy jergilikti turǵynnyń birneshe aı boıy qarasorany jınaýmen aınalysqanyn anyqtady.
Polisia.kz portalynyń málimetinshe, er adam ósimdikti aýdannyń shetki aımaǵynan jınap, ony turǵylyqty mekenjaıynda saqtaǵan. Ol esirtki zatyn jeke paıdalaný maqsatynda ustaǵanyn jetkizgen. Sonymen qatar esirtkini termııalyq óńdeýden ótkizip, taǵamdarǵa qospa retinde paıdalanǵan.
Jeke turǵyn úı men sharýashylyq qurylystarynda júrgizilgen tintý kezinde polıtseıler ósimdik tektes keptirilgen zat salynǵan 4 polıetılen paketin tapty. Saraptama nátıjesinde tárkilengen zattyń jalpy salmaǵy 4 keliden astam keptirilgen marıhýana ekeni anyqtaldy.
Atalǵan derek boıynsha sotqa deıingi tergep-tekserý jumystary bastaldy.
Eske sala keteıik, buǵan deıin Ulytaý oblysynda iri esirtki jetkizý arnasy joıylǵanyn jazǵanbyz.
