Taǵamǵa dándi daqyldardy kóp paıdalaný psıhıkanyń buzylýyna alyp keledi
ASTANA. 20 qarasha. QazAqparat - Belgili nevrolog Devıd Perlmatter dementsııa men qazirgi adamnyń tamaqtanýynyń arasynda tikeleı baılanys bar ekenine senimdi, dep habarlaıdy News.com.au.
Onyń sózine qaraǵanda, tap osy dándi daqyldar dementsııa, sozylmaly bas aýrýy, toryǵý, qoıanshyǵy ustaý, gıperbelsendilik sındromy, ýaıymshyldyqqa alyp keledi. Jáne bul paıdaly dándi daqyl ónimderine de qatysty.
Onyń atap ótýinshe, astaǵy maılardyń úlesi kóp bolǵan kezde adam mıy ózin jaqsy sezinedi. Altsgeımer aýrýyna shaldyǵý qaýpin tómendetý úshin kómirsýlardy (kúnine 60-80 gramnan asyrmaı) tutyný deńgeıin kúrt qysqartý jáne záıtún, kokos maılary, sıyr eti jáne balyqtyń quramyndaǵy maılardy tutynýdy kóbeıtý kerek.
Qazirgi adamzattyń ata-babalarynyń as máziri 75%-ǵa maılardan jáne 5%-ǵa kómirsýlardan turatyn. Adam geni arnaıy osyndaı tamaqtaný tártibine beıindelgen. Eger adam kóbirek maı jeıtin bolsa, onyń denesinde maı azyraq jınalady, deıdi ǵalym.
