Taǵamdaǵy qurt-qumyrsqa: SQO-da mektep ashanalary tekserilip jatyr

PETROPAVL. KAZINFORM — Soltústik Qazaqstan oblysynda ata-analardyń shaǵymynan keıin mektep ashanalarynda tekseris bastaldy.

SQO ákimi baspasóz qyzmetiniń málimetinshe, vedomstvoaralyq komıssııa qurylǵan. Sonymen qatar ár mektepte dırektordyń tóraǵalyǵymen jáne ata-analardyń qatysýymen brakerajdyq komıssııa jumys isteıdi. 

Al Petropavldaǵy Abaı atyndaǵy mamandandyrylǵan qazaq mektep-gımnazııasynyń dırektory tarapynan durys baqylaýdyń bolmaýy sebepti ol qyzmetinen bosatyldy.

Osy mektep oqýshylaryna tamaqtandyrý qyzmetin kórsetken kásipkermen de kelisimshartty buzý rásimi bastaldy. Jaqyn arada mektepte tamaqtandyrý qyzmetin kórsetýge jańa konkýrs jarııalanatyn bolady.

Jaǵdaı oblys ákiminiń jeke baqylaýyna alynǵan. 

Esterińizge salaıyq, Petropavldaǵy Abaı atyndaǵy mamandandyrylǵan mektep-gımnazııasynda oqýshylardyń tamaǵynan jándikter tabylǵanyn jazǵan edik. Ata-analar ashana qyzmetiniń sapasyna narazylyqtaryn talaı bildirgenimen, esh shara qoldanylmaǵan.