Taǵam zerthanalary halyqaralyq standarttarǵa saı bolýy kerek - A. Smaıyl
ASTANA. 20 aqpan. QazAqparat - Taǵam zerthanalary halyqaralyq standarttarǵa saı bolýy kerek. Búgin QR Parlamenti Májilisinde «Salamatty Qazaqstan» memlekettik baǵdarlamasynyń iske asýynyń birinshi jyldyǵyna arnalǵan Úkimet saǵatynda
depýtat Aldan Smaıyl osylaı málim etti.
«Aýrý - astan» degen sóz bar. Osy rette Qazaqstandaǵy taǵamnyń 80 paıyzy syrttan ákelinetini belgili. Olardyń qandaı hımııalyq qospalarmen aralasqanyn bilgende jaǵany ustaımyz. Budan soń tipti aýrý bolmaýy da múmkin emes. Neshe túrli dertter sodan týyndap jatyr dep oılaımyn. Osyǵan baılanysty taǵamdy zertteıtin zerthanalardy halyqaralyq standarttarǵa jetkizýimiz kerek», - deıdi depýtat. Onyń aıtýynsha, taǵam zerthanalaryn halyqarlyq deńgeıge kóterý mindetti jáne keshiktirilmeı atqarylýy shart.
«Ásirese balalar taǵamyna basa mán bergen jón», - dedi depýtat.
