Taekvondoshy Álimjan Serikbaı Islam oıyndarynyń «kúmisin» oljalady
ASTANA. QazAqparat - Qazaqstandyq taekvondoshy Álimjan Serikbaı Islam oıyndarynyń kúmis júldesin oljalady. Ol aqtyq synda ırandyq sportshyǵa ese jiberdi, dep habarlaıdy QazAqparat.
Buǵan deıin 52 kelige deıingi salmaqta boksshy Azat Mahmetov pen 75 kelige deıingi salmaqta Tursynbaı Qulahmetov el qorjynyna eki altyn salǵanyn habarlaǵan bolatynbyz.
Eske sala keteıik, 2017 jyldyń 12-22 mamyry aralyǵynda Bakýde IV Islam yntymaqtastyq oıyndary ótip jatyr. Oǵan 54 elden 3500 sportshy qatysyp jatyr. Baıraqty básekede Qazaqstan namysyn 5 sport túrinen 32 sportshy qorǵaýda. Olar: boks, dzıýdo, taekvondo WTF, erkin jáne áıelder kúresi.
