Taekvondoshy Samırhon Ababakırov álemdik reıtıngtegi birinshi ornyn saqtap qaldy

ASTANA. KAZINFORM — Halyqaralyq taekvondo federatsııasy álemdik reıtıngti jańartty.

Qazaqstandyq Samırhon Ababakırov tizimde alǵashqy ornyn saqtap qaldy. Ol 63 kelige deıingi salmaqta kósh bastap tur.

QR UOK málimetinshe, sonymen qatar Qazaqstan quramasynyń taǵy úsh ókili úzdik ondyqqa endi. Beıbarys Qablan (+87 keli) jetinshi orynǵa turaqtady.

Batyrhan Tóleýǵalı (80 kelige deıin) segizinshi orynǵa kóterildi.

Nodıra Ahmedova (49 kelige deıin) onynshy orynǵa jaıǵasty.

Aıta keteıik, fýtboldan Qazaqstan ulttyq quramasynyń 2026 jylǵy álem chempıonatynyń irikteý kezeńi aıasyndaǵy aldaǵy eki kezdesýine qatysatyn oıynshylar tizimi belgili boldy.