Taekvondoshy Alıdar Abdýkarımov jastar arasyndaǵy álem chempıonatynda qola medal aldy
ASTANA. KAZINFORM – Qazaqstan taekvondo quramasy Ózbekstannyń Tashkent qalasynda ótip jatqan jastar arasyndaǵy álem chempıonatynda taǵy bir júldege ıe boldy.
Alıdar Abdýkarımov 68 kelige deıingi salmaqta qola medal aldy. Ol jarysta jartylaı fınalǵa deıin jetip, bul kezeńde ózbekstandyq Aıýbhon Nabıevten jeńildi. Osylaısha, Qazaqstan sportshysy jarysty úshinshi orynmen aıaqtady.
Osy nátıjeden keıin Qazaqstan quramasynyń enshisindegi júldeler sany 4-ke jetti.
Buǵan deıin Aıym Serikbaeva (44 kelige deıin) altyn medal ıelense, Erasyl Erzat (48 kelige deıin) pen Islam Medetbaı (55 kelige deıin) qola júlde alǵan bolatyn.
