Taekvondodan jastar álem chempıonatyna baratyn Qazaqstan quramasy anyqtaldy

ASTANA.KAZINFORM — Taekvondodan 21 jasqa deıingiler arasyndaǵy álem chempıonatyna baratyn Qazaqstan quramasy belgili boldy.

Dúnıejúzilik dúbirli doda 3-6 jeltoqsan aralyǵynda Kenııa astanasy Naırobı qalasynda ótedi. Onda el namysyn 16 sportshy qorǵaıdy.

Erler quramasy sapynda Erkebulan Ensegenov (54 keli), Javoҳırhon Islamov (58 keli), Tamerlan Tileýles (63 keli), Arslan Ermentaev (68 keli), Ergesh Bekasyl (74 keli), Batyrhan Qýsetov (80 keli), Batyrhan Tóleýǵalı (87 keli), Beıbarys Qablan (87 keli) synǵa túsedi.

Al áıelderde Aqbota Jeleý (46 keli), Nuraıym Jumabek (49 keli), Aıdana Súndetbaı (53 keli), Marııa Sevostıanova (57 keli), Aıaýlym Asqar (62 keli), Arýjan Naımanbaeva (67 keli), Nazym Mahmutova (73 keli), Altynshash Ydyrys (83 keli) syndy sportshylarǵa úmit artamyz.

Eske salsaq, Qazaqstanda 2027 jyly taekvondodan álem chempıonaty ótedi. Atalǵan sheshim Qytaıtsyń Ýsı qalasynda ótken Dúnıejúzilik taekvondo (WT) federatsııasynyń álem chempıonaty aıasyndaǵy jıynynda resmı habarlandy.

Osyǵan deıin Qazaqstan 2027 jylǵy chempıonatty ótkizýge úmitker elderdiń qataryna qosylǵan edi. Jıyn barysynda Dúnıejúzilik taekvondo federatsııasy men oǵan múshe elderdiń ókilderi Qazaqstan kandıdatýrasyn biraýyzdan qoldaý bildirdi.