Taekvondodan respýblıkalyq týrnır Raıymbek batyrdy eske alýǵa arnaldy
ORAL. QazAqparat - Almatyda taekvondodan (WT) Raıymbek batyrdy eske alýǵa arnalǵan ashyq respýblıkalyq týrnır márege jetti, dep habarlaıdy «QazAqparat» tilshisi.
Qazaqstan taekvondo federatsııasynyń saıtynan alynǵan málimetke qaraǵanda, atalmysh jarysqa qatysýshylar balalar, kadetter, jetkinshekter jáne eresekter arasynda QR sport sheberi ataǵyn oryndaý úshin baq synady.
Jarys qorytyndysynda salmaq dárejeleri boıynsha Mádı Amanbaı (48 kg, Almaty q.), Bekzat Lesbek (55 kg, Jambyl), Erjan Ádilhan (58 kg, Almaty), Oljas Erjanov (63 kg), Beıbarys Jaqyp (68 kg, ekeýi de Qaskeleńnen), Erasyl Bekbolat (73 kg, Almaty), Nartaı Orazbaev (+73 kg, ekeýi de Almatydan), Ázirbek Qaljanov (80 kg, Qaskeleń), Baýyrjan Qasenov (+80 kg, Taldyqorǵan) chempıon atandy. Sondaı-aq Álıma Qaıdarova (44 kg, Almaty), Tańsholpan Qaıyrjanqyzy (49 kg, Qaskeleń), Farıda Baıbatyrova (55 kg), Darına Ospanova (63 kg), Albına Qulbaeva (+63 kg, bári de Almatydan), Áıgerim Qajymova (+67 kg, BQO) jáne basqalar jeńis tuǵyryna kóterildi.
Taekvondodan BQO quramasynyń aǵa jattyqtyrýshysy Arslan Ordabaevtyń aıtýynsha, batysqazaqstandyqtardan Áıgerimnen basqa Tamır Qýatov kadetter arasynda 49 kg salmaqta úshinshi orynǵa ilikti. Al 2003-2005 jylǵy taekvondoshylar arasynda Nıkıta Ýshaev kúmis júldege qol jetkizdi.
Eske sala keteıik, áıelder arasynda synǵa túsip júrgen Qazaqstan quramasynyń múshesi Áıgerim Qajymova taıaýda Astanada ótken el chempıonatynda ekinshi orynǵa kóterilgen bolatyn.
