Taekvondodan komandalyq álem kýbogi: Qazaqstandyqtar eki medal oljalady
ASTANA. QazAqparat - Birikken Arab Ámirlikteriniń Fýdjeıra qalasynda taekvondodan komandalyq álem kýbogi aıaqtaldy. Qazaqstandyqtar baıraqty dodada eki medal jeńip aldy, dep habarlaıdy QazAqparat tilshisi.
QR Ulttyq olımpıadalyq komıtetiniń baspasóz qyzmetinen málim etkendeı, aldymen erler komandasy úshinshi orynnan kórindi. Jartylaı fınalda Eldos Ysqaq, Erasyl Qaıyrbek, Nurlan Myrzabaev, Rýslan Japarov jáne Rahym Ádilhanovtar Iranǵa jol berdi.
Al aralas komandalyq synda Qazybek Baqtııaruly, Smaıyl Dúısebaı, Farıha Aldońǵarova jáne Jansel Denız taǵy da «qolaǵa» qol jetkizdi.
Osylaısha, bizdiń komanda qorjynynda eki qola medal bar.
