Taekvondodan Qytaıdaǵy álem chempıonatynda Aıdana Qumartaeva qola medal aldy

ASTANA. KAZINFORM – Taekvondodan Ýsı qalasynda (Qytaı) ótip jatqan álem chempıonatynda Qazaqstan quramasy ekinshi júldesin el qorjynyna saldy. 

Ulttyq olımpıadalyq komıtettiń málimetinshe, otandasymyz Aıdana Qumartaeva halyqaralyq jarystyń qola júldesin enshiledi. Ol 46 kelige deıingi salmaq dárejesinde úzdik úsh sportshynyń qataryna endi. 

Jartylaı fınalda túrik sportshysy Emıne Gegebakanmen kezdesken Aıdana qarsylasyna ese jiberdi. Osylaısha qazaqstandyq sportshy álem chempıonatyn úshinshi orynmen aıaqtady.

Aıta keteıik, buǵan deıin Nodıra Ahmedova da qola medal ıelengen bolatyn.

Sondaı-aq taekvondodan Bahreındegi jasóspirimder Azıadasynda el qorjynyna eki júlde tústi.