Taekvondodan Qazaqstan quramasy Bolgarııadaǵy týrnırde bes altyn aldy

ASTANA. KAZINFORM — Taekvondodan Qazaqstan quramasy 2026 jyldy sátti bastady. Bolgarııa astanasy Sofııada taekvondodan (WT) halyqaralyq Bulgaria Open 2026 týrnırinde otandastarymyz 5 altyn, 1 kúmis jáne 5 qola júlde jeńip aldy. G-2 sanatyndaǵy jarysqa eresekter arasynda 56 elden 645 sportshy qatysty.

Nátıjesinde elimizdiń eresekter arasynda jalpykomandalyq medal kestesinde 2 orynǵa turaqtady.

El quramasynan Erkebulan Eńsegenov (54 keli), Eldar Birimbaı (74 keli), Batyrhan Tóleýǵalı (80 keli), Javohırhon Islamov (58 keli), Toǵjan Qaznabek (57 keli) chempıon atansa, Beıbarys Qablan (87 keliden joǵary) kúmis, Aıdana Qumartaeva (46 keli), Janel Sultanǵalıeva (46 keli), Nodıra Ahmedova (49 keli), Batyrhan Kýsetov (80 keli), Jazıra Issına (57 keli) qola medal aldy.

Jalpy komandalyq esepte Qazaqstan quramasy ekinshi orynǵa taban tirese, Reseı birinshi, Iordanııa úshinshi oryn ıelendi.

Eske salsaq, budan buryn Qazaqstan taekvondodan BAÁ-de ótip jatqan týrnırde 3 medal aldy.