Taekvondodan Qazaqstan quramasy Aýstrııadaǵy týrnırge qatysady

ASTANA. KAZINFORM - Taekvondodan (WT) Qazaqstan ulttyq quramasy Aýstrııada ótetin «Austrian Open G-1» halyqaralyq jarysyna qatysady.

Dúbirli doda 15 maýsym kúni jalaýyn kóteredi. Oǵan álemniń kóptegen elinen barlyǵy 789 sportshy qatysady dep josparlanyp otyr. Olardyń qatarynda qazaqstandyq sportshylar da bar.

Halyqaralyq jarysta el quramasy sapynda Azıza Qarajanova (53 keli), Aıdana Súndetbaı (53 keli), ⁠Marııa Sevostıanova (57 keli), ⁠Kamıla Aımuqasheva (62 keli) jarys jolyna shyǵady.

Sondaı-aq ⁠Bekzod Qadyrqulov (54 keli), Artýr Serik (54 keli), Izıat Kasanov (63 keli), Bekasyl Ergesh (74 keli), Mereı Málik (74 keli), ⁠Mergen Ganıev (80 keli), ⁠Meıir Nurǵazın (87 keli), Nurqanat Qojahmet (87 keli), ⁠Beıbarys Qablan (87 keliden joǵary), ⁠Baýyrjan Hasenov (87 keliden joǵary) el namysyn qorǵaıdy. 

Eske salsaq, taekvondodan Gran-prıdiń fınaldyq kezeńi 2026 jyly Almaty qalasynda ótedi.