Taekvondodan Qazaqstan quramasy álem kýbogyna qatysady

ASTANA. KAZINFORM - Taekvondodan Qazaqstan (WT) quramasy Ońtústik Koreıada ótetin komandalyq álem kýbogyna qatysady.

Ońtústik Koreıanyń Chhýnchhon qalasynda 7-9 shilde aralyǵynda «Chuncheon 2025 World Cup Team Championships Series» týrnıri ótedi. Bul komandalyq jarys - taekvondodan (WT) ótetin halyqaralyq deńgeıdegi basty týrnırdiń biri. Jyl saıyn atalǵan dodaǵa álemniń túkpir-túkpirinen úzdik quramalar qatysady.

Atalǵan jarysqa Qazaqstan ulttyq quramasy qatysady. Olardyń qatarynda Ergesh Bekasyl, Qanat Almıra, Asqar Aıaýlym, Táýkenova Aıda, Aımuqasheva Kamıla, Marıpov Abdrahman, Ǵanıev Mergen, Gazez Nurbek bar.

Eske salsaq, budan buryn Qazaqstandyq sportshylar taekvondodan Aýstrııadaǵy týrnırde tórt medal aldy. 

Qazaqstan jasóspirimder men jastar quramasy halyqaralyq dodadan 1 altyn, 3 qola júlde jeńip aldy.

El quramasynan Mıras Pazylov (33 keli) jeńis tuǵyryna kóterilse, Ralıf Sazazov (49 keli), Álıhan Ómiráli (57 keli) men Aıgerim Bekjanqyzy (68 keli) qola medalǵa qol sozdy.