Taekvondodan Qazaqstan quramasy AQSh-taǵy týrnırge qatysady

ASTANA. KAZINFORM –  Taekvondodan (WT) Qazaqstan ulttyq quramasy 13-15 maýsym aralyǵynda AQSh-tyń Sharlott qalasynda ótetin World Taekwondo Grand Prix Challenge halyqaralyq týrnıriniń alǵashqy kezeńine qatysady.

AQSh-ta Qazaqstan namysyn 7 taekvondoshy qorǵaıdy. Olardyń qatarynda Temirlan Tileýles (58 keli), Bektóre Oralhanov (58 keli), Tóleýǵalı Batyrhan (80 keli), Nurbek Gazez (68 keli), Nuraı Husaıynova (67 keli), Nodıra Ahmedova (49 keli), Rıta Bákisheva (49 keli) bar.

Ár salmaq dárejesinde úzdik úshtikke engen sportshylar 2026 jyly Rım qalasynda ótetin World Taekwondo Grand Prix serııasynyń alǵashqy kezeńine tikeleı joldama alady.

Aıta ketsek, týrnırge álemniń 44 elinen 376 sportshy qatysady dep josparlanǵan.

Eske salsaq, taekvondodan Gran-prıdiń fınaldyq kezeńi 2026 jyly Almaty qalasynda ótedi.