Taekvondodan Gran-prı kezeńinde el quramasynan 30 tamyzda kimder synǵa túsedi

ASTANA. KAZINFORM — 30 tamyzda Ońtústik Koreıanyń Mýdjý qalasynda taekvondodan (WT) Gran-prı kezeńiniń úshinshi jarys kúni bastalady, dep habarlaıdy Sport12.kz. 

Úshinshi jarys kúninde qazaqstan quramasynan áıelder 67, erler 58 kelige deıingi salmaq dárejesinde ózara myqtyny anyqtaıdy. Bul kúni el namysyn Nuraı Hýsaınova, Tamerlan Tileýles, Asqar Ótegen jáne Javohırhon Islamov qorǵaıdy.

Jarys Astana ýaqytymen tańǵy 5:00–de bastalady. Qola júlde úshin jekpe-jekter men fınaldyq kezdesýler 13:00–ge josparlanǵan.

Jarystyń alǵashqy kúni, 28 tamyzda Nodıra Ahmedova (49 keli) da úshinshi oryn ıelengen edi.
Halyqaralyq básekede shırek fınalda Batyrhan Tóleýǵalı (80 keli), Abdýrohman Marıpov (80 keli) pen Nuraı Baýyrjanova (49 keli) jarysty erte aıaqtady.

Al 29 tamyzda Damır Shýlenov (68 keli) Gran-prı kezeńinde qola medal jeńip aldy.
Bul kúni el namysyn Nazym Mahmýdova, Damır Shúlenov jáne Nurbek Gazez qorǵady.