Taekvondodan Bahreındegi jasóspirimder Azıadasynda el qorjynyna eki júlde tústi
ASTANA. KAZINFORM — Taekvondodan Manamada (Bahreın) ótip jatqan jasóspirimder arasyndaǵy Azııa oıyndarynda Qazaqstan quramasynyń ókili Evgenıı Vasenkın top jardy.
Otandasymyz 55 kelige deıingi salmaqta qarsylas shaq keltirmedi. Evgenıı aqtyq synda ózbekstandyq Asadbek Samandarovpen ózara myqtyny anyqtady. Nátıjesinde Vasenkın 2:0 esebimen jeńiske jetti.
Sondaı-aq taǵy bir qazaqstandyq sportshy Nuráli Mahmut Bahreınniń Manama qalasynda ótip jatqan jasóspirimder arasyndaǵy Azııa oıyndarynda kúmis júldege ıe boldy.
63 kelige deıingi salmaqta synǵa túsken Qazaqstan quramasynyń taekvondoshysy fınalda ózbekstandyq Omadbek Otabekovke ese jiberdi. Kezdesý 2:1 esebimen qarsylastyń paıdasyna aıaqtaldy.
Eske sala keteıik, buǵan deıin mýaı-taıshy Adııa Іzbasqan jasóspirimder Azıadasynda qola júldege qol jetkizgenin jazǵanbyz.