Taekvondodan Astanadaǵy Gran-prı fınalyna qatysatyn qazaqstandyqtar anyqtaldy

ASTANA. KAZINFORM — Qazaqstan taekvondo federatsııasy (WT) Astanada ótetin Gran-prı fınalyna qatysatyn sportshylardyń tizimin jarııalady.

Taekvondodan Astanadaǵy Gran-prı fınalyna qatysatyn qazaqstandyqtar anyqtaldy
Foto: QR UOK

Atalǵan jarystan el namysyn tórt taekvondoshy qorǵaıdy.

Erler arasynda Tamırlan Tileýles (58 kelige deıin), Batyrhan Tóleýǵalı (80 kelige deıin) óner kórsetedi. Al áıelder arasynda Rıta Bakısheva (49 kelige deıin) jáne Marııa Sevostıanova (57 kelige deıin) synǵa túsedi.

Aıta keteıik, týrnır 28-29 qarasha aralyǵynda Jaqsylyq Úshkempirov atyndaǵy Jekpe-jek saraıynda ótedi.

Eske salaıyq, buǵan deıin taekvondodan Qazaqstan chempıonatynyń alǵashqy jeńimpazdary anyqtalǵanyn habarlaǵan edik.