Taekvondodan álem chempıonatyna baratyn Qazaqstan quramasy anyqtaldy

ASTANA. KAZINFORM - Qytaıdyń Ýsı qalasynda ótetin taekvondodan álem chempıonatyna qatysatyn Qazaqstan quramasy belgili boldy.

Qazaqstan Ulttyq Olımpıada komıtetiniń habarlaýynsha, dúbirli dodaǵa álemniń úzdik sportshylary jınalady. Oǵan 179 elden, jeke beıtarap sportshylar (AIN), Búkilálemdik taekvondo federatsııasy men bosqyndar quramalary (TRT) qatysady. Jalpy alǵanda 991 taekvondoshy baq synaıdy. 

Qytaıda álem chempıonaty osymen ekinshi márte ótkeli jatyr. Oǵan deıin bedeldi báseke 2007 jyly Beıjińde uıymdastyrylǵan edi. 

Bıyl erler quramasy sapynda Bekzod Qadirqulov - (54 keli), Tamırlan Tileýles (58 keli), Samırhon Ababakırov (63 keli), Damır Shýlenov (68 keli), Bekasyl Ergesh (74 keli), Batyrhan Tóleýǵalı (80 keli), Nurlan Myrzabaev (87 keli), Beıbarys Qablan (87 keliden joǵary) jarys jolyna shyǵady. Al áıelder quramasynda Aıdana Qumartaeva (46 keli), Nodıra Ahmedova (49 keli), Azıza Qarajanova (53 keli), Marııa Sevostıanova (57 keli), Aısha Ádilbekqyzy (62 keli), Nuraı Hýsaınova (67 keli), Nazym Mahmutova (73 keli) men Evgenııa Kaımova (73 keliden joǵary) syndy sportshylarǵa senim artamyz. 

Sońǵy márte 2019 jyly Qazaqstan quramasy álem chempıonatynyń medal alǵan edi. Sol joly jetistikke Qaırat Sarymsaqov (74 keli) qola júlde aldy. Bıyl erler arasynda ulttyq quramanyń kóshbasshylary Samırhon Ababakırov pen Batyrhan Tóleýǵalıge úlken úmit artylyp otyr. 

Eske salsaq, budan buryn Qazaqstan 2027 jyly taekvondodan álem chempıonatyn Astanada ótkizýdi josparlap otyr.