Taekvondodan álem chempıonaty: Batyrhan Tóleýǵalı jartylaı fınalǵa shyqty
ASTANA. KAZINFORM – Kenııa astanasy Naırobı qalasynda ótip jatqan taekvondodan 21 jasqa deıingiler arasynda álem chempıonatynda Batyrhan Tóleýǵalı (87 keli) jartylaı fınalǵa joldama aldy.
Otandasymyz shırek fınalda aýstralııalyq Stıýart Djoýbty 2:0 esebimen jeńdi. Oǵan deıin Batyrhan grekııalyq Dompas Fotıosti dál sondaı eseppen tize búktirgen edi.
Batyrhan Tóleýǵalı 2026 jyly 25 shildede dúnıege kelgen. Qazirge deıin 2022 jyly jasóspirimder arasynda qola júldeger bolsa, 2022, 2023 jyldary Azııa chempıony atandy.
Onyń aldaǵy qarsylasy – beıtarap eldiń ókili Vladıslav Býdın.
Aıta ketsek, búgin el quramasynan Aqbota Jeleý (46 keli), Aıaýlym Asqar (62 keli), Arsylan Ermentaev (68 keli) qarsylastaryna ese jiberip, jarys jolynan shyǵyp qaldy.
Qazirge deıin Beıbarys Qablan (87 keliden joǵary) elimizdiń atynan 21 jasqa deıingiler arasynda tuńǵysh ret álem chempıon atandy.
Sondaı-aq qazaqstandyq Tamerlan Tileýles (63 keli)qola júldeger boldy.
Dúnıejúzilik dúbirli doda 3-6 jeltoqsan aralyǵynda ótip jatyr. Onda el namysyn 16 sportshy qorǵaýǵa múmkindik aldy.