Taekvondodadan Azııa chempıonatyna qatysatyn Qazaqstan quramasy belgili boldy
NUR-SULTAN. QazAqparat - Taekvondodadan ulttyq komandanyń aǵa jattyqtyrýshysy Batyrbek Esdáýletov taekvondoshylar qalaı iriktelgeni jáne aımaqtyq birinshilikke daıyndyq qalaı júrip jatqandyǵy týraly aıtyp berdi, dep habarlaıdy QazAqparat Qazaqstannyń taekvondo federatsııasyna silteme jasap.
Lıvan astanasy Beırýtta 16-18 maýsym aralyǵynda WT taekvondodan Azııa chempıonaty ótedi.
«Azııa chempıonatyna qatysatyn Qazaqstan quramasynyń quramy bıyl Taldyqorǵanda ótken Qazaqstan chempıonatynyń nátıjesi boıynsha tańdaldy. Ádette, osyndaı iri jarysqa sportshy tańdaǵanda biz sheteldegi jarystardyń nátıjesin eskeremiz. Alaıda, pandemııaǵa baılanysty ondaılar az boldy, sondyqtan ulttyq chempıonattyń nátıjelerine basa nazar aýdaryldy. Biz osy jarysta bizdiń sportshylardyń ónerin eskerýge tyrystyq. Buǵan deıin bıylǵy Qazaqstan chempıondary Azııa chempıonatyna barady degen qondyrǵylar bolǵan. Qazirgi ýaqytta taekvondoshylardyń kópshiligi oqý-jattyǵý jıyndarynda. Daıyndyq josparǵa sáıkes júrýde. Álemdik arenada alǵash ret Qazaqstannyń namysyn qorǵaıtyn sportshylar da bar», - dedi Batyrbek Esdáýletov .
Onyń aıtýynsha, eki sportshy– Djansel Denız jáne Rýslan Japarov Iordanııadaǵy Azııa irikteý týrnırinde Olımpıada lıtsenzııasyna qol jetkizgen.
Qurlyqtyq chempıonatqa Qazaqstan quramasynan kelesi sportshylar qatysady:
Erler
54 keli: Samat Temirhan
58 keli: Eldos Ysqaq
63 keli: Ádilet Bazarbaev
68 keli: Dıas Qurmanǵazy
74 keli: Ábdýsamat Les
80 keli: Raqym Ádilhanov
87 keli: Smaıyl Dúısebaı
+87 kg: Baýyrjan Hasenov
Áıelder
46 keli: Aıdana Qumartaeva
49 keli: Botagóz Qapanova
57 keli: Kámıla Aımuqasheva
62 keli: Jazıra Isına
67 keli: Nuraı Qusaıynova
73 keli: Djansel Denız
+73 kg: Aqsáýle Erqasymova
