Taekvondo: Tendi eske alyp arnaıy jeıdemen shyqqan Japparov júldeger atandy
ASTANA. QazAqparat - Ońtústik Koreıanyń Djedjý qalasynda ótken taekvondodan G2 sanatyndaǵy reıtıngilik «Korea Open» týrnırinde Rýslan Japparov qola medal jeńip aldy, dep habarlaıdy QazAqparat tilshisi.
QR Taekvondo federatsııasy málim etkendeı Rýslan týrnırde úsh jekpe-jek ótkizip, úsheýinde de Ońtústik Koreıa ókilderimen kezdesken.
Ol alǵashqy eki qarsylasyn 19:17 jáne 3:2 esebimen jeńdi. Al jartylaı fınalda 28:10 esebimen qarsylasyna jol berdi.
Rýslan óz jeńisin Sochı Olımpıadasynyń júldegeri, mánerlep syrǵanaýshy Denıs Tenniń rýhyna baǵyshtap, ony eske alý maqsatynda arnaıy jeıde kıip shyqty.
