Taekvondo: Rýslan Japarov Ammandaǵy týrnırde Olımpıada joldamasyn enshiledi

AMMAN. QazAqparat - Taekvondoshy Rýslan Japarov Olımpıada oıyndaryna lıtsenzııa jeńip aldy, dep habarlaıdy QazAqparat Olympic.kz-ke silteme jasap.

Bul kúnderi Ammanda (Iordanııa) taekvondodan Azııa qurlyqtyq irikteý týrnıri ótip jatyr. 80 keliden joǵary salmaq dárejesinde synǵa túsken qazaqstandyq Rýslan Japarov fınalǵa joldama aldy. Jartylaı fınalda ol WT atynan shyqqan sportshy Amırı Alı Akbardy 31:20 esebimen utty. Olımpıadaǵa irikteý jarysynyń erejesi boıynsha qurlyqtyq dodada fınalǵa shyqqan sportshylar avtomatty túrde Olımpıada joldamasyna ıelik etedi. Jarys erejesine saı, Rýslan Japarov Qazaqstan qorjynyna kezekti joldamany saldy.

Aıta keterligi, bul Qazaqstan taekvondo quramasynyń ekinshi joldamasy. Osyǵan deıin áıelder arasynda Jansel Denız joldama jeńip alǵan bolatyn.