Taekvondo: Nursultan Mamaev Irandaǵy týrnırde kúmis júldeger atandy
ASTANA. QazAqparat - Irannyń Kısh araldarynda taekvondodan G1 sanatyndaǵy «Fajr open» reıtıngilik týrnır aıaqtaldy. Ekinshi jarys kúninde qazaqstandyq Nursultan Mamaev júldege ilikti dep habarlaıdy Olympic.kz.
Mamaev 68 kelide synǵa túsip, fınalda ǵana súrindi. Nátıjesinde týrnırdiń kúmis júldegeri atandy.
Eske sala keteıik, týrnırdiń birinshi jarys kúninde alty qazaqstandyq sportshy tuǵyrdan kórindi. Smaıyl Dúısebaı (87 keli) men Aıgúl Elýbaı (57 keli) altyn medal jeńip alǵan bolatyn.
