Taekvondo federatsııasynyń 10 ókili «Sport salasynyń úzdigi» atandy
ASTANA. KAZINFORM — Erbol Myrzabosynov sport salasyna eńbegi sińgen mamandardy marapattady, dep habarlaıdy Týrızm jáne sport mınıstrliginiń baspasóz qyzmeti.
Týrızm jáne sport mınıstri Erbol Myrzabosynov Qazaqstandyq taekvondo (WT) federatsııasynyń basshylyǵy men qyzmetkerlerin, sondaı-aq óńirlik federatsııalardyń jetekshilerin qabyldady.
Kezdesý barysynda mınıstr otandyq taekvondony damytýǵa, sportshylardy qoldaýǵa jáne óńirlerdegi jumysty ilgeriletýge qosqan úlesi úshin Federatsııa ókilderine alǵys bildirdi.
Sonymen qatar mınıstrlik pen Federatsııa arasyndaǵy áriptestiktiń jáne óńirlik uıymdardyń júıeli jumysynyń mańyzyn atap ótti.
Taekvondony damytýǵa qosqan úlesi úshin Federatsııa prezıdenti Kýdrát Shamıev, bas hatshy Aral Sadyqov, qarjy jónindegi vıtse-prezıdent Almas Ashırbekov, halyqaralyq qatynastar jónindegi vıtse-prezıdent Nadejda Hamıtova, ákimshilik basqarý jónindegi vıtse-prezıdent Aızat Qarashashev jáne sport jónindegi vıtse-prezıdent Sultan Qasymov «Sport salasynyń úzdigi» tósbelgisimen marapattaldy.
Sondaı-aq atalǵan marapatqa Federatsııa qyzmetkeri Dınara Kabdýlova, ulttyq quramanyń dárigeri Ahmet Gasanov, Almaty qalasy taekvondo federatsııasynyń prezıdenti Shýhrad Shardınov jáne Aqmola oblysy taekvondo federatsııasynyń prezıdenti Nıkolaı Borovınskıı ıe boldy.
Osyǵan deıin Prezıdent Azııa oıyndary jáne Azııa paraoıyndarynyń júldegerlerin marapattaǵanyn jazǵanbyz.
