Taekvondo: Eki sportshymyz lıtsenzııalyq týrnırdiń jartylaı fınalyna shyqty
ASTANA. KAZINFORM - Qytaıdyń Taıan qalasynda ótip jatqan lıtsenzııalyq týrnırde qazaqstandyq eki taekvondoshy Samırhon Ababakırov pen (58 kg) Jansel Denız (+67 kg) Taıan qalasyndaǵy lıtsenzııalyq týrnırdiń jartylaı fınalyna shyqty.
QR Sportty damytý dırektsııasynyń baspasóz qyzmeti málim etkendeı, ol sanaýly sətter buryn Taıland atleti Tanakrıt Iodrakty oısyrata utty. Jekpe-jek barysynda 2 raýnd boıy Ulttyq qurama sportshysy qarsylasyn soqqynyń astyna aldy.
Endi Samıohon lıtsenzııany Fılıppın ókili Kýrt Brıanmen Olımpıada joldamasyn sarapqa salady.
Sonymen qatar ulttyq qurma úzdigi Jansel Denızde (+67 kg) jartylaı fınalyna shyqty. Ol shırek fınalda mońǵolııalyq taekvondoshyny jarys jolynan taıdyrdy.
Endi ol Tájikstan sportshysy Mýnıra Abdýsalımovamen Olımpıada lıtsenzııasy úshin synǵa túsedi.
Osylaısha otandastarymyz Olımpıada joldamasyna bir qadam jaqyndady. Jarys erejesine sáıkes, fınalǵa shyqqan qos sportshy Olımpıada joldamasyna ıelik etedi.
Búgin atalǵan týrnırde úsh sportshymyz jarys jolyna shyqqan bolatyn. Ókinishke qaraı, Marııa Sevostıanova (57 kg) alǵashqy jekpe-jeginde kambodjalyq sportshy Djýlııa Mamnan utylyp qaldy. Esep: 0-2.
Esterińizge sala keteıik, keshe lıtsenzııalyq týrnırdiń alǵashqy jarys kúni qazaqstandyq 17 jasar sportshymyz Batyrhan Tóleýǵalı Parıj Olımpıadasyna joldama jeńip alǵanyn jazǵan bolatynbyz.
