Taekvondo: Atyraýlyq Jansel Denız halyqaralyq týrnırde jeńimpaz atandy
ATYRAÝ. QazAqparat - 26-29 qazan aralyǵynda Serbııa astanasy Belgrad qalasynda taekvondodan halyqaralyq týrnır ótti. Onda el namysyn qorǵaǵan atyraýlyq Jansel Denız jeńimpaz atandy, dep habarlaıdy QazAqparat tilshisi.
Oblystyq dene shynyqtyrý jáne sport basqarmasynyń baspasóz qyzmetiniń habarlaýynsha, Azııa oıyndarynyń kúmis júldegeri Jansel Denız 73 keli salmaq dárejesinde baq synaǵan. Іrikteý kezeńderinde ol Ispanııa jáne Serbııa eliniń sportshylaryn utty. Jartylaı synda frantsııalyq qarsylasy Mellıer Maeva boldy. Tartysty kezdesýde jerlesimiz 4:2 esebimen basym tústi.
Al, fınalda taǵy bir frantsýz Solene Aboýleteni 5:3 esebimen jeńdi.
«Týrnır óte joǵary deńgeıde ótti. Árbir sportshy olımpıadalyq reıtıngtegi upaıyn kóbeıtý úshin kelgeni haq. Men tórt sportshymen kezdesip, barlyǵyn da jeńdim. Osy joly 73 kelide baq synaǵan edim. Qarsylastarym maǵan qaraǵanda iri deneli. Dese de, jyldamdyqtyń arqasynda kóp upaı jınadym. Altynmen qosa, reıtıngte on upaı enshilegenimdi de aıta ketý kerek. Maǵan jankúıer bolǵan barshańyzǵa alǵysym zor», - deıdi sportshy.
Aıta keteıik, osy týrnırden soń Jansel 108 upaımen álemdik reıtıngte 25-shi orynǵa taban tirep otyr.
