Taekvando: Qazaq sańlaqtary Argentınada 4 júldege qol jetkizdi (FOTO)
ASTANA. QazAqparat - Latyn Amerıkasynda «Argentina Open» týrnıri óz máresine jetti. Úshinshi halyqaralyq ashyq birinshilik Argentına astanasy Býenos-Aıros qalasynda 29-30 tamyz kúni ótken bolatyn, dep habarlady QR Taekvondo federatsııasynyń baspasóz qyzmetinen.
G-1 dárejesindegi bedeldi jarysta barlyq jas kategorııalar, atap aıtqanda kadetter, jasóspirimder men eresekter synǵa tústi. Jalpy alǵanda 500-den astam sańlaq úzdikterdi anyqtady.
Qandastarymyz eldiń bas qalasy Býenos-Aıres tórinde ótken baıraqty dodada 4 júldege qol jetkizdi. Asa aýyr salmaqta óner kórsetken Japarov Rýslan úzdik shyǵyp, chempıon atandy. Fınalda jerlesimizge qarsy jergilikti Martın Sıo shyqqanyna qaramastan, 6:12 esebimen senimdi jeńiske jetti. 68 keli salmaq dárejesinde altyn júldeni taekvondo áleminde eń tanymal otbasy múshesi Mark Lopes pen bizdiń Qaırat Sarymsaqov sarapqa salǵan bolatyn. Ókinishke oraı, tartysty ótken kezdesýde Qaırat qarsylasyna qaıratyn ótkize almaı, 2:5 esebimen jol berip qoıdy. Qalaı bolsa da kúmis júlde qorjynda. Al qyzdar arasynan Adangorova Farıza men Ergeshova Ferýza qola júldeni qanaǵat tutty.
Latyn Amerıkaǵa ulttyq qurama frantsýz mamany Fılıp Pıner men Jańbyrov Nýrbolat jetekshiliginde barǵan bolatyn. Argentına daıangterinde el namysyn 7 sańlaq qorǵady.
