Tabysyn qaıtadan ınvestıtsııaǵa salǵandardyń korporatıvtik tabys salyǵy tómendeıdi

NUR-SULTAN. QazAqparat – QR Ulttyq ekonomıka mınıstri Álibek Qýantyrov Úkimet otyrysynda tabysyn qaıtadan ınvestıtsııaǵa salǵandardyń korporatıvtik tabys salyǵy tómendetiletinin aıtty, dep habarlaıdy QazAqparat tilshisi.

«Fıskaldyq retteýdi qaıta júkteý maqsatynda 2023 jyly salyqtyq ákimshilendirýdi túbegeıli qaıta qaraýdy, salyq mindettemelerin oryndaý rásimderin tsıfrlandyrýdy kózdeıtin jańa Salyq kodeksiniń jobasy ázirlenetin bolady.

Sondaı-aq, salyq mólsherlemelerin saralaý, paıdany qaıta ınvestıtsııalaý kezinde korporatıvtik tabys salyǵyn tómendetý, arnaıy salyq rejımderin ońaılatý, bólshek salyqty qoldanýdy keńeıtý, «baılyq salyǵyn» engizý boıynsha jumys júrgiziletin bolady», - dedi mınıstr.

Sondaı-aq, ol 2030 jylǵa deıingi salyq saıasatynyń tujyrymdamasy ázirlenip jatqanyn eske saldy.

«Tujyrymdamaǵa engizilgen tásilder jańa Salyq kodeksine negiz bolady.

Prezıdent qoıǵan jańa mindetter bıýdjettik josparlaýdy bıýrokratııadan aryltýǵa jáne bıýdjetaralyq qatynastardy jetildirýge baılanysty jumystyń qısyndy jalǵasy bolady.

Sondyqtan memlekettik qarjyny basqarý Tujyrymdamasynyń erejelerin jáne basqa da ózekti máselelerdi qamtıtyn jańa Bıýdjet kodeksin ázirleý tıimdi jáne únemdi bıýdjet saıasatyn qamtamasyz etýge jańa serpin beredi», - dedi Álibek Qýantyrov.