Tabysy ósken boryshker ıpoteka shartynan qosalqy zaımshyny qalaı shyǵara alady
«Banktiń ishki erejelerine sáıkes qosalqy zaımshyny sharttan alyp tastaı alasyz. Qaryz alýshynyń qaryzǵa derbes qyzmet kórsetý múmkindigi bolǵan kezde qosalqy zaımshyny alyp tastaýǵa jol beriledi.
Qosalqy zaımshyny sharttan alyp tastaý úshin oń óteý tártibi faktisi jáne saqtandyrý shartynyń ózektiligi tekseriledi. Qaryz alýshynyń, qosalqy zaımshynyń tólem qabilettiligine taldaý júrgiziledi (taǵy bireýi bolǵan jaǵdaıda). Qaryz alýshynyń, qosalqy qaryz alýshynyń tólem qabilettiligin taldaý (taǵy bireýi bolǵan kezde) kirister men shyǵystar jónindegi qujattardyń, Birinshi kredıttik bıýronyń esebiniń derekteri (BKB-dan kredıttik tarıh týraly anyqtama) negizinde júrgiziledi. Tabystar jónindegi qujat retinde jalaqy týraly anyqtama jáne ótinish bergen kezdegi sońǵy qatarynan 7-13 aıdan kem emes kezeń úshin zeınetaqy aýdarymdary týraly úzindi qabyldanady. Qaryz alýshynyń tólem qabilettiligin esepteý bank bólimshesinde júzege asyrylady. Qosalqy zaımshyny sharttan shyǵarý týraly ótinishti qaraý kúntizbelik 15 (on bes) kún ishinde júzege asyrylady», - delingen jaýapta.
Onyń aıtýyna qaraǵanda, qosalqy qaryz alýshyny alyp tastaǵany úshin komıssııa bereshek qaldyǵynyń 1% mólsherinde alynady.
Qosalqy qaryz alýshyny shyǵarý týraly ótinish jumys kúnderi saǵat 09.00-den 16.00-ge deıin Bank fılıalynyń postkredıttik bóliminde qabyldanady. Ol úshin myna qujattar kerek:
1. qaryz alýshynyń jáne qaryz alýshynyń jubaıynyń (zaıybynyń) jeke basyn kýálandyratyn qujat;
2. nekege turý/buzý týraly kýálik (bar bolsa);
3. kýálik/qaıtys bolý týraly kýálik (bar bolsa)
4. balalardyń týý týraly kýáligi (bar bolsa);
5. jumys ornynan barlyq ustap qalýlar kórsetilgen, tabys kózin anyqtaıtyn jalaqy týraly anyqtama (sońǵy 7-13 aı úshin)
6. EGOV-tan qaryz alýshy men jubaıynyń (zaıybynyń) zeınetaqy aýdarymdary týraly sońǵy 6 nemese 12 aıdaǵy úzindi-kóshirme.
