Tabysy men múlkin jasyrǵan memlekettik qyzmetshiler jazalana ma

ASTANA. QazAqparat – Bıyl 570 myńnan astam memlekettik qyzmetshi óz kirisi men jeke múlki týraly esep berdi. Bul týraly QR Qarjy mınıstrligi memlekettik kirister komıtetiniń tóraǵasy Danııar Janálinov málim etti, dep habarlaıdy QazAqparat tilshisi.

«Jalpyǵa birdeı deklaratsııalaýdyń birinshi kezeńinde memlekettik qyzmetkerler alǵash boldy. Olar ótken jyl boıynsha esep berdi. Memlekettik qyzmetkerlerden 570 myńnan astam deklaratsııa kelip tústi. Arasynda deklaratsııany usynbaý faktileri de tirkeldi», - dedi Danııar Janálinov ortalyq kommýnıkatsııalar qyzmeti alańynda ótken baspasóz máslıhatynda.

Onyń aıtýynsha, 39 myń memlekettik qyzmetker kiris pen jeke múlik týraly deklaratsııany tapsyrmaǵan.

«Barlyǵyna habarlama joldandy. Nátıjesinde 10 myńnan astam adam deklaratsııa tapsyrdy. Qalǵan 29 myń deklaratsııa boıynsha mán-jaı anyqtalyp jatyr. Deklaratsııany ýaqytyly usynbaýdyń belgili sebebi bolsa, ashyq aıtýyna bolady. Taǵy bir jaıt, ol adam memlekettik qyzmetten ketip qalǵan bolýy da múmkin. ıAǵnı bizdiń bazada ol memlekettik qyzmetker retinde tirkelgen, al is júzinde jumystan shyǵyp ketken. Jalpy, atalǵan másele baqylaýda. Bul jerde memlekettik qyzmetshige aıyppul salynbaıdy, tek ákimshilik eskertý jasalady. Biraq memlekettik qyzmetshi eskertýge qulaq aspasa 20 AEK kóleminde aıyppul salynady. Deklaratsııany usynbaǵan jaǵdaıda jazanyń baryn umytpaǵan jón.», - deıdi ol.

Eske salsaq, bıyldan bastap memlekettik qyzmetshiler men olarǵa teńestirilgender jeke tabysy men múlki boıynsha birneshe deklaratsııa tapsyrady.

Foto: ortcom.kz