Tabysy eń tómengi kúnkóris deńgeıiniń shamasynan tómen respýblıkadaǵy halyqtyń úlesi 2010 jyly 6,5 paıyzdy qurady - Statıstıka agenttigi

Qalalyq jáne aýyldyq jerlerdegi tabystardyń aıtarlyqtaı aıymashylyqtary saqtalýda. 2010 jyly aýyldyq jerdegi kedeıliktiń deńgeıi qalalyq deńgeıden 2,7 eseden kóp asyp tústi, 1997 jyly onyń ósimi 1,4 eseni qurady.

Tabysy eń tómengi kúnkóris shamasynan tómen halyq úlesiniń aıtarlyqtaı tómendeýimen qatar 2010 jyly kedeıliktiń shekten asýy men ótkirligi kórsetkishteri tómendedi. 1996 jyldan bastap 2010 jylǵa deıingi kezeńde boıynsha kedeıliktiń shekten asýy 10,4 esege tómendedi jáne 1,1 paıyzdy qurady, kedeılik ótkirligi 17,3 esege tómendedi jáne 0,3 paıyzdy qurady.

2010 jyldaǵy turmys deńgeıiniń aımaqtyq aspektisin qarastyryp, 6,5 paıyz ortasha respýblıkalyq deńgeıdegi kedeıliktiń eń joǵary deńgeıi baıqalatyn óńirler sanyn atap ótýge bolady: Mańǵystaý (11,6%), Ońtústik Qazaqstan (11,5%) oblystary jáne kedeıliktiń ortasha deńgeıi Shyǵys Qazaqstan (8,4%), Qyzylorda (6,7%), Batys Qazaqstan (6,7%), Almaty (6,6%), Qostanaı (6,4%), Aqtóbe (6,0%), Atyraý (5,9%) oblystarynda.