Tabysy az otbasylardaǵy balalardy mektepke daıyndaý máselesi mańyzdy - Úkimet
«Qazir barlyq resýrstardy oqý jylynyń bastalýyna daıyndyqqa baǵyttaý qajet. Onyń ishinde az qamtylǵan otbasy balalaryn mektepke daıyndaý máselesi mańyzdy. Bul másele Úkimette birneshe ret qaralyp, jaýapty memlekettik organdarǵa tapsyrmalar berildi», - dedi E.Toǵjanov pedagogterdiń respýblıkalyq tamyz konferentsııasynda.
Onyń aıtýynsha, ákimdikter balalardy mektepke daıyndaý úshin otbasylarǵa memlekettik qoldaý kórsetý, mektepterdiń daıyndyǵyn qamtamasyz etý jumystaryn uıymdastyrýy qajet.
«Bilim basqarmasynyń basshylaryna tıisti sharalardy qabyldaýdy jáne oqý jylynyń bastalýyna tolyq daıyndyqty qamtamasyz etýdi taǵy da tapsyramyn», - dedi Úkimet basshysynyń orynbasary.
Budan buryn habarlanǵandaı, Qazaqstanda Bilim berý uıymdaryndaǵy birtutas tárbıe berý tujyrymdamasy ázirlenedi.
