Tabysty Qazaqstan - bul elimizdiń Tuńǵysh Prezıdenti-Elbasy N. Nazarbaevtyń jankeshti eńbeginiń jemisi - «Ana» qoǵamdyq qorynyń basshysy S. Ysqaqova
Respýblıkamyzdaǵy áıelder uıymynyń ókili, «Ana» atty ana men balany qorǵaý qoǵamdyq qorynyń basshysy Saıda Ysqaqova QR Prezıdenti N.Nazarbaevtyń ókilettigin 2020 jylǵa deıin uzartý jónindegi referendýmdy ótkizýge qoldaý bildirip otyr.
«Bizdiń memlekette jasalyp jatqannyń barlyǵy tek beıbitshilik pen ál-aýqattylyq jolyndaǵy is. Ana, áje jáne áıel retinde men óz urpaǵymnyń ornyqty, órkenıetti elde turýyn, bilim alýyn qalaımyn. Al ol úshin elde beıbit ómir, turaqtylyq, el tynyshtyǵy qajet. Al bul bizdiń Qazaqstannyń baǵyna qonǵan ıgilikter. Memleketimizdiń osynaý jetistigine biz Elbasymyzǵa, Tuńǵysh Prezıdentimiz Nursultan Ábishuly Nazarbaevqa qaryzdarmyz»,-dedi S. Ysqaqova.
«Táýelsizdiginiń 20 jyldyǵy qarsańynda turǵan Qazaqstan óziniń aldynda turǵan mindetterdi anyqtap, bolashaqqa bastaǵan qadamdaryn nyq basyp kele jatqan egemen memleket jáne órkenıetti qoǵam retinde qalyptasty. Búginde álemdik qaýymdastyq eýrazııalyq keńistikte úlken saıası oıynshyǵa aınalǵan Qazaqstannyń kóshbasshylyq ustanymdaryn moıyndap otyr. Qazaqstan qol jetkizgen jetistikterine qaramastan, bolashaqta básekege qabiletti eldiń negizin búginnen qalaı berýdi toqtatpaýy tıis. Tabysty Qazaqstan - bul elimizdiń Tuńǵysh Prezıdenti-Elbasy Nursultan Nazarbaevtiń jankeshti eńbeginiń jemisi»,-dep atap kórsetti ol.
Onyń aıtýynsha, N.Nazarbaev qoǵam damýy jáne memlekettiń órkendeýi jolynda áıelder uıymdary róliniń artýyna qoldaý jasaýdan sharshaǵan emes. Sondyqtan barlyq áıelder úkimettik emes uıymdary Prezıdenttiń ókilettigin 2020 jylǵa deıin uzartý ıdeıasyn biraýyzdan jaqtaýda.
«Men referendýmnyń ótýin qoldaımyn. Barsha halyq ta Prezıdenttiń ókilettigin uzartýdy qalap otyr»,-dedi ol sóz sońynda.
