Tabylǵan Boıng synyǵynyń bir bóliginiń uzyndyǵy - 24 metr
ASTANA. QazAqparat - Avstralııanyń qutqarý mıssııasy tapqan Malaysia Airways áýe kompanııasynyń 8 naýryz kúni joǵalyp ketken ushaǵynyń qırandylary bolýy múmkin nysandardyń biriniń uzyndyǵy - 24 metr, dep habarlady VVS.
Avstralııa tótenshe jaǵdaılar vedomstvosynyń ókili Djon ıAngtyń sózine qaraǵanda, atalǵan nysannyń ne ekendigin anyqtaý óte qıynǵa soǵyp otyr. Óıtkeni tabylǵan nysandar teńiz betinde qalqyp júr. Belgisiz zattar tabylǵan aýdanǵa Astralııa ushaǵynyń sońynan ile-shala AQSh pen Jańa Zellandııanyń da áýe kemeleri jóneltildi. Sál erterek Avstralııanyń Premer-Mınıstri Tonı Ebbot eldiń jerserigi Malaysia Airways áýe kompanııasynyń 8 naýryz kúni joǵalyp ketken ushaǵynyń qırandylary bolýy múmkin nysandardy tapqandyǵyn jarııa etken edi. Onyń sózine qaraǵanda, qırandylar tabylǵan aýdanǵa ushaq jiberildi. Aıta keterligi, Avstralııa «Boıng» ushaǵyn ońtústik aýdanda, ıaǵnı Indonezııa jaǵalaýynan qurlyqtyń batysyna deıingi aralyqtaǵy izdeý jumystaryna basshylyq jasaýda. 239 jolaýshysy bolǵan ushaqty izdeý jumystaryna qazirgi ýaqytta 26 el jumylyp otyr.
