Tabyldy Dosymovtyń ustazy «Eńbek joly» baıqaýynda júldeli boldy
NUR-SULTAN. QazAqparat – Qazaqtyń bard aqyny Tabyldy Dosymovtyń ustazy Ǵaını Ǵabdýllına respýblıkalyq «Eńbek joly» baıqaýynda atyraýlyq Jumaǵalıevtar otbasynyń atynan júldeli boldy, dep habarlaıdy QazAqparat tilshisi.
Aıta ketsek, elordada áýletter men óndiris jumyskerleri arasynda jyl saıyn ótetin respýblıkalyq «Eńbek joly» baıqaýynyń jeńimpazdaryn saltanatty túrde marapattaý rásimi ótken bolatyn. Baıqaýda «Úzdik eńbek áýleti» nomınatsııasynda atyraýlyq Jumaǵalıevterdiń ustazdar áýleti úshinshi orynǵa ıe bolǵan edi.
«Bilim ordasynda muǵalim boldym. Qazaq tili men ádebıeti páninen sabaq berip, shákirtterimniń birqatary zor jetistikterge jetti. Qazaqtyń bard aqyny Tabyldy Dosymov meniń shákirtim bolǵan. Marqum erte ketti. Eńbegimizdi baǵalap jatqan el basshylyǵyna zor alǵysymdy aıtqym keledi», - dedi Ǵaını Ǵabdýllına marapattaý rásiminde.
Aıta ketsek, otandastarymyzdy kásibı jetistikterge yntalandyrý jáne jańa eńbek dınastııalaryn qalyptastyrý maqsatynda bıyl mınıstrlik syılyqtardyń sanyn kóbeıtý týraly sheshim qabyldap otyr. Ótken jyldary syılyqtar tek nomınatsııalar boıynsha berilgen bolsa, bıyldan bastap jeńimpazdar – 1, 2 jáne 3 oryn úshin marapattaldy.
