Tabrızde Iran prezıdentimen qoshtasý rásimi ótti
ASTANA. KAZINFORM – Tikushaq apatynan qaza tapqan Iran prezıdenti Ibrahım Raısımen qoshtasý rásimi Irannyń Tabrız qalasynda ótti. Arnaıy Kazinform úshin IRNA seriktes agenttigi usynady.
Esterińizge sala keteıik, Irannyń segizinshi prezıdenti Ibrahım Raısı 19 mamyrdan 20 mamyrǵa qaraǵan túni tikushaq apatynan qaza tapty.
Sondaı-aq apatqa ushyraǵan ushaq bortynda Iran Syrtqy ister mınıstri Hoseın Amır Abdollahııan, Irannyń rýhanı jetekshisiniń Shyǵys Ázerbaıjandaǵy ókili, Tebrızdegi juma namazynyń ımamy Seıed Muhammad Álı ál-Hashemı jáne Shyǵys Ázerbaıjandaǵy Iran provıntsııasynyń gýbernatory Malık Rahmetı boldy.
Barlyq jolaýshylarmen qosa tikushaq ekıpajy túgel qaza tapty.
20 mamyrda Irannyń rýhanı jetekshisi Aıatolla Seıed Álı Hameneı prezıdent Ibrahım Raısı men onyń qasyndaǵylardyń sháhıd bolýyna baılanysty bes kúndik aza tutý jarııalady.
