Tabıǵı resýrstardy paıdalaný úderisin uıymdastyrýdyń negizgi býyny memleket qana bolýy tıis - U. Qarabalın

ASTANA. 17 qyrkúıek. QazAqparat - Búgin Úkimet otyrysynda Qazaqstan Respýblıkasynyń tabıǵı resýrstaryn tıimdi basqarý jáne shıkizat sektorynan túsken tabystardy paıdalaný tujyrymdamasynyń jobasyn maquldady.

Atalǵan qujatty Mınıstrler Kabıneti otyrysynda tanystyrǵan QR Munaı jáne gaz mınıstri Uzaqbaı Qarabalınniń atap ótýinshe, tabıǵı resýrstardy, ásirese kómirsýtekteri men qatty paıdaly qazbalardy basqarýdyń zamanaýı tujyrymdamalyq kórinisi birqatar negizgi alǵysharttardy qamtýy tıis.

«Birinshiden, konstıtýtsııamyzǵa sáıkes tabıǵı resýrstar memleket menshigine jatady. Sondyqtan tek qana memleket olardy paıdalaný úderisin uıymdastyrýdyń negizgi býyny bolýy tıis», - dedi U. Qarabalın.

Mınıstrdiń atap ótýinshe, ekinshiden tabıǵı resýrstar Qazaqstandaǵy áleýmettik-ekonomıkalyq ózgeristerdiń negizi bolyp qalýda. Osyǵan oraı resýrstardy paıdalanýdyń nátıjeliligi keshendi tásildermen salanyń jáne jalpy memleket múddeleriniń teńgerilimdigine súıenýi qajet.

«Úshinshiden, keıbir shıkizat salalarynyń qyzmeti jahandyq sıpatqa ıe. Bul jáıt syrtqy jáne ishki faktorlardy oılanyp esepke alýdyń qajettiligin kórsetip otyr», - dedi ol.