Tabıǵı órt kóp jaǵdaıda adamdardyń kinásinen bolady – Úkimet basshysy

ASTANA. QazAqparat – Tabıǵı órt kóp jaǵdaıda adamdardyń kinásinen tutanady. Bul týraly Úkimet otyrysynda Premer-Mınıstr Álıhan Smaıylov aıtty, dep habarlaıdy QazAqparat tilshisi.

«Kún jylyna bastaǵannan beri elimizde 120-dan astam tabıǵı órt tirkelgen. Olar kóp jaǵdaıda adamdardyń kinásinen tutandy. Tipti eldi mekenderge irgeles aýmaqtar men alqaptardan bastalǵan órt turǵyn úılerge shaýyp, adam ómirine qaýip tóndirip otyr», - dedi Álıhan Smaıylov,

Úkimet basshysynyń dereginshe, bıyl osyndaı 14 jaǵdaı tirkelgen.

«Bul – birinshi kezekte, órt qaýipsizdigine jaýapty ýákiletti organdar men jedel áreket etýi tıis tótenshe jaǵdaı qyzmetteri men ákimdikterdiń jumysyndaǵy kemshilik. Sondyqtan, órtten qorǵaıtyn beldeýlerdi jyrtý, irgeles aýmaqtardy qýraǵan shópten tazartý sııaqty jumystardy tez arada júrgizý kerek. Tabıǵı órtterdi erte anyqtaý júıesin belsendi engizý qajet. Máselen, «Býrabaı» ulttyq tabıǵı parkiniń aýmaǵynda engizilgen smart-júıeniń arqasynda byltyr órt oqıǵasy aıtarlyqtaı azaıdy. Mundaı tájirıbeni basqa da tabıǵı parkter men qoryqtarda paıdalaný kerek», - dedi Premer-Mınıstr.