Tabıǵı monopolııalardy retteý agenttigi tutynýshylarǵa 910 mln. teńgeni qaıtardy
ASTANA. Qyrkúıektiń 27-si. QazAqparat /Qanat Mámetqazyuly/ - Aǵymdaǵy jyl Tabıǵı monopolııalardy retteý agenttigi júrgizgen jumystyń qorytyndysyna sáıkes tutynýshylarǵa 910 mln. teńgeden astam soma qaıtaryldy.
Búgin QR Parlamenti Májilisinde «Tarıftik saıasattaǵy energııany únemdeý» taqyrybynda ótken Úkimet saǵatynda bul týraly Tabıǵı monopolııalardy retteý agenttiginiń tóraǵasy Nurlan Aldabergenov málim etti.
«Zańnamanyń saqtalýyn jáne tutynýshylar quqyqtarynyń buzylýyn boldyrmaýdy baqylaý sheńberinde Agenttik zańnama buzýshylyǵyn joıý týraly 647 nusqama engizdi. Ákimshilik jaza qoldaný týraly 770 qaýly qabyldandy, Budan bólek, respýblıkalyq bıýdjettik zańnamasyn buzǵany úshin aıyppul sanktsııalary salynyp, osy negizde 132 mln. teńgeden astam qarajat óndirilip alyndy», dedi agenttik tóraǵasy.
Onyń aıtýynsha, aǵymdaǵy jyly zańnamany buzýǵa jol bergeni úshin 104 tabıǵı monopolııa sýbektisiniń tarıfteri tómendetilgen. Bundaı tarıfterdi tómendetýdiń jalpy somasy shamamen 2,27 mlrd. teńgeni quraǵan. «Jalpy, agenttik jumystarynyń nátıjesinde tutynýshylarǵa 910 mln. teńgeden asatyn somada qarajat qaıtaryldy», dedi tóraǵa.
