Tabıǵı monopolııalardy retteý agenttigi tóraǵasynyń jańa orynbasary taǵaıyndaldy

ASTANA. 20 aqpan. QazAqparat - Búgin Qazaqstan Respýblıkasy Tabıǵı monopolııalardy retteý agenttiginiń tóraǵasy Murat Ospanov vedomstvonyń apparattyq keńesinde ujymǵa óziniń jańa orynbasary Asylbek Dúısebaevty tanystyrdy, dep habarlady agenttiktiń baspasóz qyzmeti.

Asylbek Jeksenbaıuly Dúısebaev 1979 jyly dúnıege kelgen.

2001 jyly Sáken Seıfýllın atyndaǵy Aqmola agrarlyq ýnıversıtetin «ekonomıst-menejder» mamandyǵy boıynsha támamdady.

Eńbek jolyn 1998 jyly «Agrotsentr-Astana» JShS-da tekserýshi revızor bolyp bastady.

2002 jyly Astana qalasy ákimdigi apparatynyń Syrtqy ekonomıkalyq baılanys komıtetinde bas maman qyzmetin atqardy.

2003 jylǵy mamyr - shilde aralyǵynda Qazaqstan Respýblıkasy  Kólik jáne kommýnıkatsııa mınıstrligi Baılanys jáne aqparat komıtetiniń  bas mamany boldy.

2003 jylǵy shildeden bastap - Qazaqstan Respýblıkasy  Kólik jáne kommýnıkatsııa mınıstrligi Avtomobıl joldary jáne ınfraqurylymdyq kesheni qurylysy komıtetinde bas maman, bólim bastyǵy boldy.

2004 jyly Qazaqstan Respýblıkasy Prezıdenti Ákimshiliginiń Uıymdastyrý-baqylaý jumysy jáne kadr saıasaty  basqarmasy Uıymdastyrý-baqylaý bóliminiń bas ınspektory bolyp taǵaıyndaldy.

2006-2007 jyldar aralyǵynda Qaraǵandy qalasy jáne Qaraǵandy oblysy ákimdikterinde ártúrli qyzmetter atqardy. 

2007 jyly apparat basshysy, 2009 jyly Qaraǵandy oblysy ákiminiń orynbasary laýazymyna taǵaıyndaldy.

2010 jyldan bastap - Qazaqstan Respýblıkasy Prezıdenti Ákimshiliginiń Memlekettik baqylaý jáne aýmaqtyq-uıymdastyrý jumysy bóliminiń memlekettik ınspektory qyzmetine taǵaıyndaldy.

2011 jylǵy qyrkúıekten bastap Qazaqstan Respýblıkasy Kólik jáne kommýnıkatsııa vıtse-mınıstri bolyp qyzmet atqardy.