Tabıǵı monopolııalardy retteý agenttigi sýǵa saralanǵan tarıf engizýge daıyn

Búgin QR Parlamenti Májilisi janyndaǵy Qoǵamdyq palatanyń otyrysynda «Tabıǵı monopolııalar jáne retteletin naryqtar týraly» zań jobasy talqylandy. Esterińizge sala keteıik, sýdy paıdalanýǵa qatysty osy zań jobasyn 2010 jylǵy qańtardyń 1-nen bastap kúshine engizý kózdeledi. Qazirgi ýaqytta zań jobasy Parlament Májilisinde qaralýda, dep habarlaıdy QazAqparat.

 Tabıǵı monopolııalardy retteý agenttiginiń tóraǵasy Nurlan Aldabergenovtyń aıtýynsha, tabıǵı monopolııalar men retteletin naryq sýbektilerin baǵa arqyly retteýdi jetildirý maqsatynda ázirlengen zań jobasy birqatar mindetterdi júzege asyrýdy kózdep otyr.

 «Máselen, bul rette eń aldymen sýdy tutyný kólemine qaraı onymen jabdyqtaý qyzmetterine saralanǵan tarıfterdi engizý qarastyrylady. Sonymen birge, energııany ári sýdy únemdep paıdalanýdy yntalandyrý úshin zań jobasy sý arnalarynyń rettelip kórsetetin qyzmetterdi tutyný kólemine qaraı saralanǵan tarıfter usynylmaq. Ol boıynsha tutynýshylardyń osy tarıfter boıynsha alǵan qyzmetterge ýaqtyly ári tolyq kólemde aqy tóleý mindetteri de engiziledi. ıAǵnı, sýǵa saralanǵan tarıfterdi engizý ıdeologııasy belgilengen norma sheginde tutynylatyn sýǵa neǵurlym tómen tarıfterdi engizý, al sý resýrstaryn ysyrapsyz, únemsiz paıdalanǵan kezde bundaı tarıfterdi arttyryp belgileý qarastyrylady», dedi N. Aldabergenov.

 Onyń aıtýynsha, qazirgi ýaqytta Qazaqstanda sýǵa qatysty tarıfter álemniń kóptegen elderimen salystyrǵanda tómengi kórsetkishte eken. Degenmen de, Agenttik tóraǵasy keı jaǵdaıda sýdy paıdalanýǵa qatysty belgilengen norma men naqty paıdalaný kórsetkishteri arasynda aıyrmashylyqtyń ájeptáýir bolatynyn aıtady.