Tabıǵı monopolııalardy retteý agentiginiń qyzmetkerleri tabıǵı monopolııa sýbektisiniń múddesin qorǵaıtyn uıym qurǵan
ASTANA. 1 naýryz. QazAqparat - Bıylǵy jyldyń aqpan aıynda Tabıǵı monopolııalardy retteý agenttiginiń qyzmetin tekserý barysynda onyń bir departamentiniń basshysynyń qoǵamdyq uıym qurǵany málim boldy.
Ondaǵy maqsat - tabıǵı monopolııalar sýbektileriniń múddelerin qorǵaý. Bul oqıǵanyń mán-jaıymen búgin
Tabıǵı monopolııalardy retteý agenttigi men onyń aımaqtaǵy qurylymdarynda sybaılas jemqorlyqpen kúres máselelerine arnalǵan májiliste atalmysh vedomstvonyń jaýapty hatshysy Rýslan Ahmetov tanystyrdy.
Onyń derekterine qaraǵanda, atalmysh uıymǵa múshe bolǵan monopolııalar sýbektileriniń múddeleri ylǵı qorǵalatyn bolǵan.
Osy sebepti Jaýapty hatshy Tabıǵı monopolııalardy retteý agenttigi qyzmetkerleriniń jemqorlyq áreketterine baılanysty jınaqtalǵan materıaldardy quzyrly organdarǵa joldaý qajettigin aıtty. «Jalpy agenttikte jemqorlyq áreketteriniń oryn alýyna yqpal etip otyrǵan máselelerdiń biri, agenttiktiń keıbir organdarynyń materıaldyq-tehnıkalyq qajettiliktermen tolyq qamtamasyz etilmeýimen baılanysty. Bul problema, ásirese elimizdiń aımaqtarynda ózekti. Biz agenttiktiń aımaqtaǵy ókilderi otyratyn ǵımarattyń joqtyǵyn Qarjy mınıstrligine de jergilikti atqarýshy organ basshylaryna da birneshe márte aıttyq»,-dedi Jaýapty hatshy.
Onyń derekterinshe, búgingi tańda tek birneshe oblysta ǵana agentik ókildikteriniń qyzmetke qajetti ǵımarattary bar. «Ótken jyly osyndaı qıyndyqtardyń saldarynan agenttiktiń aımaqtaǵy ókilderiniń tabıǵı monopolııa sýbektileriniń ǵımarattaryn paıdalaný jaǵdaılary anyqtaldy. Keı jaǵdaıda monopolııamen kúres komıtetiniń ókilderi tabıǵı monopolııa sýbektileriniń kólikterin paıdalaný jaǵdaılary da anyqtaldy. Sondyqtan mundaı zańsyzdyqtarymen qatań kúres júrgize otyryp, aımaqtaǵy ókildikterdiń materıaldyq-tehnıkalyq qajettilikterin óteýge kúsh salý kerek»,-dedi RAhmetov.
