Tabıǵı monopolııalardy retteý komıtetiniń tóraǵasy aýysty

ASTANA. KAZINFORM — Tımýr Qosymbaev QR UEM Tabıǵı monopolııalardy retteý komıtetiniń tóraǵasy qyzmetine taǵaıyndaldy. Bul týraly Úkimettiń baspasóz qyzmeti habarlady.

— QR Premer-mınıstriniń orynbasary — ulttyq ekonomıka mınıstriniń buıryǵymen Tımýr Ernatuly Qosymbaev Tabıǵı monopolııalardy retteý komıtetiniń tóraǵasy qyzmetine taǵaıyndaldy, — delingen habarlamada.

1989 jyly Jezqazǵan qalasynda dúnıege kelgen. Qazaqstan menedjment, ekonomıka jáne boljaý ınstıtýtyn, E. A. Bóketov atyndaǵy Qaraǵandy memlekettik ýnıversıtetin, Lester Ýnıversıtetin bitirgen.

Eńbek jolyn 2011 jyly Respýblıkalyq bıýdjettiń atqarylýyn baqylaý jónindegi esep komıtetiniń Respýblıkalyq bıýdjettiń shyǵystaryn baqylaý bóliminde is júrgizýshisi bolyp bastady.

2011–2019 jyldary Respýblıkalyq bıýdjettiń atqarylýyn baqylaý jónindegi esep komıteti qurylymynda túrli laýazymdy qyzmet atqardy.

20199–2022 jyldary QR Prezıdenti Іs basqarmasy Qarjy-ekonomıkalyq bóliminde bıýdjettik qarjylandyrý sektorynyń meńgerýshisi bolyp jumys istedi.

2022 jyldan bastap qazirgi ýaqytqa deıin QR Ulttyq ekonomıka mınıstrligi Tabıǵı monopolııalardy retteý komıteti tóraǵasynyń orynbasary qyzmetin atqardy.

Buǵan deıin Serik Tólenbergenov Abaı oblysy ákiminiń orynbasary bolǵanyn jazdyq.