Tabıǵı monopolııa sýbektilerin tekserý jıiligi sáıkesinshe táýekeldik tobyna baılanysty - QR TMRA
ASTANA. 28 sáýir. QazAqparat - Qazaqstan Respýblıkasy Tabıǵı monopolııalardy retteý agenttigi óziniń www.arem.kz resmı saıtynda «Agenttik qyzmetiniń strategııalyq baǵyttary» taqyrybyna kezekti ınternet konferentsııa ótkizdi.
Qazaqstandyqtardyń online rejimindegi suraqtaryna vedomstvo tóraǵasynyń orynbasary Asylbek Dúısebaev jaýap berdi, dep habarlady QR TMRA baspasóz qyzmeti.
Sóılesýge qatysýshylar ónim berýshi men tutynýshylar arasyndaǵy qatynasty retteıtin tetik; normatıvtik ysyraptardy tómendetý jáne normatıvten tys ysyraptardy joıý boıynsha qabyldanatyn sharalar týraly; tarıf belgileýdiń benchmarkıngtik ádisiniń erekshelikteri týraly jáne t.b surady.
Mysaly, normatıvtik ysyraptardy tómendetý jáne normatıvten tys ysyraptardy joıý úshin Agenttik qabyldaıtyn sharalar qyzyqtyrǵan ótinish ıesine tolyqqandy jaýap berildi: Tabıǵı monopolııalar jáne retteletin naryqtar týraly zańnamaǵa sáıkes normatıvten tys ysyraptary bar barlyq tabıǵı monopolııa sýbektileri normatıvten tys ysyraptardy joıý boıynsha is-sharalar josparyn bes jyl ishinde ázirleýge jáne oryndaýǵa mindetti. «Osy josparlar bolmaǵan jaǵdaıda tabıǵı monopolııa sýbektileriniń ótinimderi tarıfterdi bekitýge qabyldanbaıdy jáne qaralmaıdy.
Bul rette monopolıst jyl saıyn tarıftik smetanyń oryndalýy boıynsha esep usynady. Osy arqyly Agenttik tabıǵı monopolııa sýbektilerin, atap aıtqanda normatıvten tys ysyraptardy joıý boıynsha is-sharalar josparynyń oryndalýyn baqylaıdy. Bul rette 2011 jyly bazalyq tabıǵı monopolııa sýbektileriniń normatıvten tys tehnıkalyq ysyraptary jylý jelilerinde - 8%-ǵa, elektr jelilerinde - 3,6%-ǵa, sýmen jabdyqtaý jelilerinde - 4,2%-ǵa tómendetildi», - dedi A. Dúısebaev.
Basqa suraq ıesi Qazaqstannyń barlyq aýmaqtary boıynsha qyzmetterdi usynatyn iri tabıǵı monopolııa sýbektilerin, sondaı-aq bir aýdan nemese oblys sheńberinde qyzmetterdi kórsetetin usaq tabıǵı monopolııa sýbektilerin de nege úsh jylda bir ret qana tekseresizder? - dep surady. «Memlekettik baqylaý jáne qadaǵalaý týraly» Qazaqstan Respýblıkasynyń Zańy boıynsha memlekettik organdar tekseriletin sýbektilerdi joǵary, ortasha jáne shamaly táýekel toptarǵa jatqyzady.
Osyǵan baılanysty josparly tekserýlerdi ótkizýdiń kezeńdiligi de aıqyndalady: táýekeldiń joǵary dárejesi kezinde jylyna bir retten jıi emes, ortasha kezinde 3 jylda bir ret, shamaly kezinde 5 jylda bir ret.
Osylaısha onyń táýekel dárejesin baǵalaý nátıjeleri boıynsha uıymdastyrý ortasha táýekeldiń ortasha dárejesine jatqyzylsa, onda ony iri, ortasha ne shaǵyn kásipkerlik sýbektisine jatqyzýǵa baılanysty 3 jylda bir retten jıi emes josparly túrde tekseriletin bolady», - dep jaýap berdi ol.
Barlyǵy 13 suraq kelip tústi, olarǵa jaýap www.arem.kz saıtyna ornalastyrylǵan.
