Tabıǵı qoryqtaǵy zertteý fotokamerasy qar barysy men onyń eki balasyn sýretke túsirip aldy
ASTANA. QazAqparat - Qytaı zoologtary jańa «oljalaryna» qýanyp otyr: Sychýan provıntsııasynyń (ońtústik-batys Qytaı) «Volýn» tabıǵı qoryǵyndaǵy fotokameraǵa aq barys pen onyń eki balasy túsip qalǵan, dep habarlaıdy Sınhýa.
Qoryq ákimshiliginen habarlaǵandaı, bıylǵy jyldyń 23 mamyrynda aq barystardy zertteý boıynsha 7 adamnan qurylǵan top «Volýn» qoryǵynyń Jehýıhe taýly aýdanyna 8 kúndik ekspedıtsııaǵa attanǵan. Іlbis mekendeýi múmkin teńiz deńgeıinen 4 myńnan astam metr bıiktik jerde ekspedıtsııa qyzmetkerleri onda buǵan deıin ornatylǵan eki ınfraqyzyl taspalardy anyqtady. 2 mamyrda túsirilgen materıaldarda aımaqta bul ańnyń belsendiligin rastaıtyn derekter bar: kamera bir eresek jyrtqysh pen men onyń eki balasyn azyq izdeý ústinde túsirip alǵan.
Qytaıda aq barys birinshi sanattaǵy memlekettik qorǵaýǵa alynǵan. Qolda bar málimetterge sáıkes, álemde 4100-7350 ilbis bar, sonyń ishinde shamamen 2500-3500-i Qytaıdy meken etýde.
